ТОШКЕНТ, 17 дек — Sputnik. “Ўзбекистон темир йўллари” 2019 йил охири ва 2020 йил бошларида Москва ва Уфага янги қатновни йўлга қўяди. Бу ҳақда компания матбуот хизмати хабар қилди.
“Жорий йилнинг 13 декабридан бошлаб №350/349-сонли поезд Термиз – Москва – Термиз йўналиши бўйича қатнай бошлади. Шунингдек, тармоқ темир йўл жадвалидаги янги йўналишлардан - 2020 йил февраль ойидан бошлаб Андижон – Уфа – Андижон йўналишидаги (№371/372-сонли) поезд қатнови бошланади”, - дейилади хабарда.
Таъкидланишича, давлатлараро поездларнинг йўловчилари учун махсус чегирмалар мавжуд. Хусусан, олдиндан сотиб олиш муддатига кўра чипта тарифининг 55 фоизгача чегирма мавжуд.