Нурмагомедов Фергюсонни “жуда қаттиқ уриш”ни мўлжалламоқда. Ҳабиб рақибининг кучли томонларни белгилаб олди ва ҳозирги вақтда кучли машқ қилмоқда.
“Рақиб жуда яхши, UFC бутун тарихи давомида кетма-кет 12 та ғалаба қозонган икки жангчи учрашмаган”, - деди россиялик спортчи.
Эслатиб ўтамиз, Нурмагомедов ва Фергюсон ўртасида жанг Нью-Йоркда 18 апрелда Barclays Center аренасида ўтказилади.
Нурмагомедов сентябрда Абу-Дабида америкалик жангчи Дастин Пуарьени мағлубиятга учратиб, UFC чемпионлик камарини ҳимоя қилганди.
Фергюсон июн ойида ўтказган охирги жангида Серрон устидан ғалаба қозонганди. Фергюсон профессионал карьерасида 25 та жангда ғалаба қозонган бўлса, 3 та жангда мағлубият аламини тортган.
Нурмагомедов 28 та жанг ўтказган бўлса, барчасида ғалаба қозонган.