ТОШКЕНТ, 6 дек - Sputnik. Таниқли ўзбек реп-қўшиқчи Шоҳруҳ Шадманов 9-сайлов округи бўйича Халқ депутатлари Чилонзор туман кенгаши депутатлигига ўз номзодини қўйди.
Бу ҳақда хонанданинг Инстаграмдаги саҳифаси орқали маълум қилди ва унга топширилган гувоҳнома суратини хабарга илова тарзида жойлаштирди.
“Азиз юртдошлар! Сизларга маълумки, мен мусиқа билан ҳобби сифатида шуғулланганман, лекин ҳаёт фақат қўшиқлардан иборат эмас. Мен ҳам юртимизнинг ривожига ҳисса қўшмоқчиман. Бу борада сизларнинг фикрингиз қандай?” - деб ёзган хонанда постида.
Қолдирилган ушбу хабар остида ҳамкасблари ва мухлислари Шоҳруҳни табриклаб, унга омад тилашмоқда.