ТОШКЕНТ, 28 ноя - Sputnik. Самарқанддаги SamAuto қўшма корхонасида Isuzu D-Max пикап автомобилларини ишлаб чиқариш бошланди, деб хабар қилмоқда компания матбуот хизмати. Бугун ушбу автомобилларнинг тақдимот маросими бўлиб ўтди.
Компания хабарига кўра, 2020 йилнинг январ ойидан бошлаб Ўзбекистонда Isuzu D-Max пикап автомобилларини сотувга чиқаради. Автомобиллар 3 та модификацияда ва 7 хил рангда бўлади:
D-Max Sahar - бир қаторли кабина, 3 ўриндиқ, 4х2 (орқа), дизель ёқилғи, 100 км.га 10-12 л, 2,5 литрли двигатель ҳажми, механик узатмали, юк кўтарувчанлиги 1100 кг.
D-Max Oksus - икки қаторли кабина, 5 ўриндиқ, 4х4, дизель ёқилғи, 100 км.га 10-12 л, 2,5 литрли двигатель ҳажми, механик узатмали, юк кўтарувчанлиги 895 кг.
D-Max Irbis - икки қаторли кабина, 5 ўриндиқ, 4х4, дизель ёқилғи, 100 км.га 10-12 л, 3 литрли двигатель ҳажми, автомат узатмали, юк кўтарувчанлиги 865 кг.
Пикап автомбиллари нархлари 270- 380 млн. сўм бўлиши кутилмоқда.