ТОШКЕНТ, 28 ноя – Sputnik. Юзида катта холи бўлган Луна Феннер жарроҳлик амалиёти ўтказилиши учун Краснодарга келганди.
Жарроҳлик амалиёти ўтказилди ва қизнинг онаси натижаси билан Instagram саҳифасида ўртоқлашди.
Аёл таъкидлашича, амалиётдан сўнг атиги бир ой ўтди, тўлиқ якуний натижасини кутиш керак.
Кэрол жойлаштирган суратларда ҳақиқатда қизнинг юзидаги холи кичрайганини кўриш мумкин. Қизалоқнинг бошида бинт билан боғлаб қўйилган, чунки у ердан шифокорлар тери олишган.
АҚШда қизга меланоцитар невус ташхиси қўйилди. Бола бутунлай соғлом, аммо шифокорлар юзидаги хол яна катталашиши мумкин, дея хавотир олишган.
Краснодарлик шифокорлар Лунанинг касаллиги ҳақида билиб, америкалик ҳамкасблари тавсия этганга нисбатан енгилроқ даволаш усулини таклиф қилишди.
Октябр ойи бошида қиз ва унинг онаси невусни олиб ташлаш учун Россияга учиб келишганди.