ТОШКЕНТ, 28 ноя – Sputnik. Россия президенти Владимир Путин КХШТ давлат раҳбарлари саммитида иштирок этиш учун бугун тонгда Бишкекка етиб келди. Халқаро “Манас” аэропортида мартабали меҳмонни Қирғизистон президенти Сооронбай Жээнбеков кутиб олди.
Бугун Бишкекда КХШТ Кенгаши саммити бўлиб ўтади. Шунингдек саммит доирасида Владмир Путин ва Сооронбай Жээнбековнинг икки томонлама учрашуви ҳам режалаштирилган.
Эслатиб ўтамиз, КХШТ саммитида иштирок этиш учун кеча Бишкекка Тожикистон президенти Эмомали Раҳмон ҳамда Арманистон бош вазири Никол Пашинян ва Беларус президенти Александр Лукашенко ҳам етиб келишган эди.
Қозоғистон президенти Касым-Жомарт Токаев ҳам 27 ноябрь куни Қирғизистонга давлат ташрифи билан келган эди.
Қирғизистон Ташқи ишлар вазирлиги хабарига асосан.