ТОШКЕНТ, 26 ноя - Sputnik. Фарғонада тадбиркордан 60 минг доллар талаб қилган аёл қўлга олинди.
Бош прокуратура хабарига кўра, тадбиркорлик субъектларининг ҳуқуқий ҳимоясини таъминлаш юзасидан ИИБ ходимлари билан ҳамкорликда тезкор тадбир ўтказилган. Унда М.Ю. исмли аёл тадбиркор Д.дан товламачилик йўли билан 20 минг долларни олган вақтида ашёвий далиллар билан ушланган.
Аниқлик киритилишича, аёл қўлидаги тадбиркор Д. билан боғлиқ видеоёзувларни тарқатиб, рақобатчи тадбиркорлар ўртасида обрўсизлантириш билан қўрқитган.
Мазкур ҳолат юзасидан М.Ю.га нисбатан нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.