ТОШКЕНТ, 25 ноя – Sputnik. Бу йилда Россия хорижий фуқароларга 1,5 баравар кўпроқ фуқаролик паспортлари берди, деб хабар қилмоқда Россия ИИВ.
2019 йилнинг январь-сентябрь ойларида 285 минг киши Россия фуқаролигини олган. Бу ўтган йилга қараганда 48 %га кўп, - дейилган хабарда.
Ушбу ўсиш асосан Украинанинг ЛНР ва ДНР ҳудудларидан келган фуқароларга Россия фуқаролигини соддалаштирилган тартибда бериш билан боғлиқ. Хусусан ушбу ҳудудлардан 146 минг кишига фуқаролик берилган.
Шунингдек Қозоғистон фуқаролари – 35 минг киши, Тожикистон фуқаролари – 30 минг киши, Арманистон – 17 минг киши, Ўзбекистон – 14 минг киши, Молдавия -11,5 киши.
Хабарда айтилишига кўра, фуқаролик олган кишиларнинг аксарияти Ростов вилоятида мурожаат қилган – 71 киши, Москва ва Москва вилоятида – 10 + 18 минг киши, Краснодар, Санкт-Петербург ва Ленинград вилоятларида – 10 минг кишидан.
Шунингдек, ҳукумат томонидан қабул қилинган “Рус тили соҳибларига фуқаролик бериш” дастури ҳам ишламоқда. Унга кўря ота-онаси ёки буви ва бувалари Россия ҳудудида туғилган, уйида доимо рус тилида гаплашадиган кишилар “рус тили соҳиби” деб тан олиниши ва уларга соддалаштирилган тартибда Россия фуқаролиги берилиши мумкин.