ТОШКЕНТ, 21 ноя – Sputnik. Қозоғистоннинг Чимкент шаҳрида қурилаётган бино қулаши оқибатида олти нафар Ўзбекистон фуқаролари жароҳатланди, деб хабар қилди Sputnik Қозоғистон мамлакат ИИВ ФВҚ матбуот хизматига асосан.
Ҳодиса бугун маҳаллий вақт соат 15:30 да содир бўлди.
Шаҳар туманлардан бирида умумий майдони 1 500 квадрат метр бўлган бинонинг девор ва том қулаб тушди.
Ҳодиса жойига келган “тез ёрдам” вайронлар остидан жароҳатланган ишчиларни олиб чиқди.
“Барча ишчилар – 1996, 1981, 1989, 1979, 1978 ва 1986 йилда туғилган Ўзбекистон фуқаролари. Ҳодиса жойида кинология хизмат қидирув ишларни амалга оширди, вайроналар остида жароҳатланган ва ҳалок бўлганлар йўқ”, - дейилган хабарда.
Воқеа жойига уч дона ўт ўчириш техникаси, саккиз нафар қутқарувчи, тезкор-қутқарув бўлинмаси иккита техникаси ва кинология гуруҳи етиб келди.