ТОШКЕНТ, 12 ноя – Sputnik. Таниқли актёр ва яккакураш устаси Стивен Сигал ўз Инстаграмида Отабек Умаровни Ўзбекистон Аралаш жанг санъати ассоциацияси раҳбари этиб тайинлангани билан табриклади.
“Дўстим Отабек Умаров Ўзбекистон ММА ассоциацияси раҳбари этиб сайланди. Табриклайман, ука!”, — деб изоҳ қолдирган актёр.
Эслатиб ўтамиз, Стивен Сигал Ўзбекистонга бундан 2 йил олдин ташриф буюрган эди. 2017 йилнинг сентябрида Тошкентда Гиннеснинг рекордлар китобига киритилган энг катта ош пиширилган вақтида Сигал таклиф қилинган меҳмонлар қаторида эди.