ТОШКЕНТ, 7 ноя - Sputnik. Ўзбекистонлик спортчи Маҳмуд Муродов UFC’даги иккинчи жангини америкалик Тревор Смитга қарши ўтказади.
Жанг 8 декабрь куни бўлиб ўтади. Бу ҳақда UFC Russia᾽нинг расмий инстаграм саҳифасида маълумот берилди.
Маҳмуд Муродовнинг ўзи кеча иккинчи жангини ўтказиш бўйича келишувга эришгани ва тез орада рақиби ва жанг санаси эълон қилинишини маълум қилган эди.
Эслатиб ўтамиз, Маҳмуд Муродов UFC’даги дебют жангини италиялик Алессио ди Кирикога қарши ўтказиб, устунликка эришган эди.