ТОШКЕНТ, 24 окт – Sputnik. Таиланд қироли Маха Вачиралонгкорн “зарарли ҳулқи” учун олти нафар амалдорни бўшатди.
Ишдан бўшатилганлар орасида битта аёл, қирол саройининг икки қўриқчиси ва юқори лавозимадаги полициячи бор.
Улар ноўрин хатти-ҳаракатлар ва монархга хиёнат қилиш ҳамда мансаб ваколатини суиистеъмол қилишда айбланмоқда.
Шу ҳафтада Таиланд қироли кутилмаган қарори билан бутун дунёни ҳайратда қолдирди, у рафиқаси Сининат Вонгважирапакдининг барча унвонларидан маҳрум этди.
Июл ойида Вонгважирапакди қиролнинг расмий маслаҳатчиси унвонини олди.
Аммо уч ой ўтгач 34 ёшли аёл "ўзини малика мақомига кўтаришга" ҳаракат қилгани учун жазоланганлиги ҳақида хабар берилди.