ТОШКЕНТ, 24 окт — Sputnik. UzAuto Motors расмий дилерлари Chevrolet Malibu седанининг янги LTZ комплектацияси учун буюртмалар қабул қилишни бошлади, деб хабар қилмоқда компания матбуот хизмати.
Хабарда айтилишига кўра, янги комплектацияда қуйидаги қўшимча қулайликлар киритилган:
- 9 динамикли премиум овоз тизими,
- ускуналар панелидаги рангли дисплей,
- олд ва орқа ўриндиқларни шамоллатиш ҳамда иситиш тизими,
- зарядлаш учун иккита USB порт,
- тез кўтариладиган олд ойналар,
- светодиодли LED ёритгичлар ва бошқалар.
Автомобилларни мижозларга декабр ойидан бошлаб етказиб бериш бошланади.
Маълумот учун, Chevrolet Malibu - тежамкор, технологик ва хавфсиз бизнес-класс седани ҳисобланади. Автомобил 2 хил турбо двигателлар билан жиҳозланади: 1,5 литр 166 от кучи ва 2,0 литрли 253 от кучига эга моторлар. Иккала двигатель ҳам 6 босқичли автомат узатма қутиси билан жиҳозланган.