ТОШКЕНТ, 23 окт – Sputnik. “Бир миллион дарахт” акциясига Нукус шаҳрида старт берилади. #BirMillionDaraxt акцияси “Юксалиш” умуммиллий ҳаракати ташаббуси билан амалга оширилмоқда.
Дарахт кесишга мораторий киритилади – янги қонун
Биринчи дарахт партияси — 100 дона арча кўчатлари 24 октябрь куни Ўзбекистон президенти ҳузуридаги Оролбўйи халқаро инновация маркази ҳудудида ўтқазилади. “Юксалиш” умуммиллий ҳаракати фаоллари ташаббуси БМТнинг Ўзбекистондаги ваколатхонаси томонидан қўллаб-қувватланди.
“Бу жамоатчилик эътиборини яна бир бор экологик муаммоларга жалб қилиш, яшаш учун қулай шароитлар яратиш, аҳолини ташвишга солаётган масалалар бўйича маълумот бериш, глобал муаммоларни ҳал қилиш учун аҳоли, сиёсий ирода ва ресурсларни жалб қилишга сабабдир”, - дейилган хабарда.
Жадвал бўйича кейинги ҳудудлар — Сирдарё, Қашқадарё ва Сурхондарё вилоятлари. Ушбу вилоятларда кўчатлар асосан сув таъминоти чекланган жойларда экилади. Шу муносабат билан мураккаб иқлим шароитларига чидамли дарахт турлари танланади.