ТОШКЕНТ, 22 окт – Sputnik. Россия ҳаво-космик кучлари вертолётлари Суриянинг шимолида аввал АҚШ ҳарбий базаси жойлашган аэродромга қўнди, деб хабар беради РИА Новости.
Вертолётлар Ракка вилоятидаги Табка аэродромига қўнди. Ҳозирда ҳарбий объект Дамашқ томонидан назорат қилинади.
Суриялик зобитнинг сўзларига кўра, 2014 йилда ушбу ҳудуд "Ислом давлат" террорчилик уюшмаси (Россия ҳудудида тақиқланган ИД ёки ИШИД) жангарилари томонидан босиб олинган, уч йилдан сўнг аэродром мухолифатдаги Сурия Демократик Кучлари назорати остида бўлган, кейинчалик шу ерда АҚШ базаси жойлаштирилган.
9 октябрдан бери Туркия Суриянинг шимоли-шарқида курд бўлинмаларига қарши “Тинчлик булоғи” амалиётини олиб бормоқда. Бундан олдин АҚШ президенти Дональд Трамп АҚШ қўшинлари ҳудуддан олиб чиқилишини эълон қилганди.
Курдлар ва Дамашқ туркларга қарама-қаршилик тўғрисида келишувга эришдилар, Сурия армияси олдинроқ курдлар назоратида бўлган бир қанча шаҳарларни эгаллаб олди, шу жумладан, Раккага беш йил ичида биринчи марта кирди.