ТОШКЕНТ, 15 окт – Sputnik. Японияда беларуслик ММА жангчиси Екатерина Вандарьева қаттиқ нокаутга учради.
Жанг Токиода One Championship мусобақасида ўтказилди. Октагонда Екатерина 33 ёшли америкалик Жанет Тодд билан куч синашди.
Иккинчи раундда 28 ёшли Вандарьева кучли хай-кикни (бошга оёқ зарбаси) ўтказиб юборди ва бундан кейин жангни давом эттира олмади.
Екатеринанинг ташқи кўриниши машҳур қўғирчоққа ўхшашлиги туфайли Барби лақабини олган.
Беларус кикбоксинг ва муай-тай билан шуғулланади. Жанг санъати турлари бўйича у бир неча бор жаҳон ва Европа чемпиони ҳисобланади. Кикбоксингда 58 та ғалаба қозониб, 7 маротаба мағлубиятга учраган.