ТОШКЕНТ, 14 окт – Sputnik. Ар-Риёзда Россия президенти Владимир Путин ва Саудия Арабистони подшоҳи Салмон бин Абдулазиз Ол Сауднинг учрашуви ўтказилди. Бу ҳақда РИА Новости хабар қилди.
Томонлар йигирмадан ортиқ ҳужжат имзолади. Улар орасида нефть қазиб олувчи мамлакатларнинг узоқ муддатли ҳамкорлиги тўғрисидаги битим, Роскосмос ва Саудия космик комиссияси ўртасида космонавтика ва ГЛОНАСС глобал навигацион сунъий йўлдош тизимини молиялаштириш соҳасида ҳамкорлик тўғрисида баёнот имзоланди.
Бундан ташқари, Россия ва Саудия Арабистони ўртасида стратегик ҳамкорлик дастури доирасида икки мамлакат энергетика вазирликлари ўртасида энергия соҳасида ҳамкорлик тўғрисида баённома имзоланди.
Москва ва Ар-Риёз икки давлат фуқароларига виза беришни соддалаштириш тўғрисида меморандумни имзолади.
Шунингдек, томонлар маданият ва соғлиқни сақлаш соҳаларида англашув меморандумларини имзолади.