ТОШКЕНТ, 10 окт — Sputnik. Россияда шифокорлар етишмаслиги муаммосини мигрантлар ёрдамида ҳал қилишмоқчи, дея ёзади “Известия” нашри.
Қайд этилишича, тиббиёт соҳасидаги кадрлар етишмаслигини бартараф этиш учун мигрантларни жалб қилиш ташаббуси Россия Соғлиқни сақлаш вазирлиги ва Меҳнат вазирлигига тегишли.
Вазирликлар маълумотларига қараганда, ҳозирда Россия шифокорларининг кадрлар салоҳияти мамлакатнинг шифокорларга бўлган эҳтиёжини фақат 4%ни қоплаши мумкин.
Хусусан, Россияда тез ёрдам шифокорлари, невролог, окулист, онкологлар етишмаслиги қайд этилган.
Бу муаммоларни ҳал қилиш учун мазкур идоралар хорижий ишчи кучини жалб қилишга тайёрлар. Шунингдек, уларга Россия фуқаролигини соддалаштирилган тартибда бериш режалаштирилмоқда.