ТОШКЕНТ, 7 окт – Sputnik. Термиз шаҳрида кеча кураш бўйича халқаро мусобақа якунланди, ғолибларга пул мукофотлари ва қимматбаҳо совғалар топширилди, деб хабар қилмоқда Халқ Сўзи.
“Алпомиш“ стадионида 5-6 октябрь кунлари бўли ўтган мусобақада дунёниг 47 давлатдан келган полвонлар ғолиблик учун курашдилар. Анъанага кўра, беллашувни оқсоқол курашчи полвонлар бошлаб берди.
Мусобақада эркак полвонлар - 55, 66, 73, 81, 90, +100 кг вазн тоифасида, аёллар - 48, 57, 70, +78 кг. вазн тоифасида беллашишди.
Ат-Термизий хотирасига бағишланган анъанавий мусобақаданинг мукофот жамғармаси 100 минг долларни ташкил қилди. Мусобақаларда ўз вазн тоифасида 1 ўрин учун - 3 000 доллар, 2 ўрин учун - 2 000 доллар, ва 3 ўрин учун - 1 000 доллардан пул мукофотлари берилди. Мутлақ вазн чемпионига 10 минг доллар мукофот берилди.
Мутлақ вазн бўйича финал баҳсда хоразмлик Болтабой Болтабоев сурхондарёлик Мухсин Ҳисомиддинов билан беллашди. Баҳсда хоразмлик полвон устун келди. 2 ўрин - Муҳсин Ҳисомиддинов, 3-ўрин учун тожикистонлик Дадахон Қурбоналиев ва эронлик Нафари Паҳлавоний эгалади.