ТОШКЕНТ, 30 сен - Sputnik. UFC мутлақ чемпиони Ҳабиб Нурмагомедов “Лос-Анжелос Гэлакси” жамоасининг ҳужумчиси, футболчи Златан Ибрагимовичнинг челленжига (чақириғига) жавоб берди.
“Бу номер 1. Мутлақ сафсата”, - дейилган яккакурашчи жавобида.
Бироз олдин швециялик машҳур футболчи Златан Ибрагимович ўзига хос флешмоб эълон қилган эди. У ерда турган тўпни оёқлари билан кўтариб кўкраги устида тўхтатиб олади. Кейин орқага эгилиб ушлаб туради. Секинлаштириб олинган видеода Златаннинг ҳаракатлари “Матрица” фильми қаҳрамони Неонинг ўқларга чап беришига ўхшаб кетади.
Ибрагимович ушбу челленжни бир неча кишига йўллаган. Улар орасида футболси Пол Погба, теннисчи Новак Джокович ва ўзининг спорт агенти Мино Райолелар бор.