ТОШКЕНТ, 16 сен - Sputnik. Нур-Султон шаҳрида давом этаётган юнон-рим кураши бўйича жаҳон чемпионатида Ўзбекистон вакили Рустам Ассакалов бронза медални қўлга киритди. Бу ҳақда МОҚ хабар қилди.
-87 килограмм вазн тоифасида Токио Олимпиадасига йўлланма қўлга киритган Рустам Ассакаловга қирғизистонлик Атабек Азизбеков рақиблик қилди. Шиддатли ва муросасиз кечган беллашув Ассакаловнинг ғалабаси билан якунланди
Эслатиб ўтамиз, кеча Арам Варданян -72 килограмм вазн тоифасида кумуш медалига сазовор бўлиб, терма жамоанинг мусобақадаги биринчи медалига муаллифлик қилган эди. Рустам Ассакалов қўлга киритган медаль юнон-рим кураши бўйича жаҳон чемпионатидаги Ўзбекистоннинг иккинчи медали бўлди.