ТОШКЕНТ, 13 сен – Sputnik. “Ўзтемирйўлйўловчи” АЖ Тошкент - Андижон йўловчи поездининг тўхтаб қолишига изоҳ берди.
Компания матбуот хизмати хабарида қайд этилишича, 13 сентябр куни соат 09:25 да ташқи электр тармоғида юзага келган носозлик туфайли ушбу йўналишида ҳаракатланаётган №60-сонли йўловчи поезди Ангрен вокзалида 50 дақиқа тўхтаб қолган.
“Кўрилган чора-тадбирлар туфайли, юзага келган носозлик бартараф қилиниб, темир йўлга етказиб берилаётган энергия таъминоти тикланди”, - дейилади хабарда.
Айни дақиқада электропоездларнинг мунтазам ҳаракати йўлга қўйилган.