Тошкентдаги "Ўзэкспомарказ" МККда 11 сентябрдан бошлаб UzTextile Expo 2019 - халқаро тўқимачилик кўргазмаси иш бошлади. Бу йилги кўргазма кўлами жуда катта бўлиб, экспозициялар "Ўзэкспомарказ"нинг тўртта павильонларини эгаллади.
Халқаро даражадаги тадбир Марказий Осиё мамлакатлари ва жаҳон тўқимачилик саноати етакчиларининг йигирилдан ипдан тортиб, тайёр кийим-кечак ва аксессуарларгача бўлган барча технологик ютуқлари ва инновацияларини намойиш қилади. Кўргазмада Германия, Хитой, Латвия, Беларус, Россия, Словакия, Тожикистон, Туркия ва Украина давлатларининг 160дан ортиқ компаниялари қатнашмоқда.
Иштирокчиларнинг умумий сонининг 60 фоизидан ортиғини мулкчиликнинг турли шакли, фаолиятнинг кўлами ва туридаги маҳаллий ишлаб чиқарувчилар ташкил этган.