ТОШКЕНТ, 2 сен - Sputnik. Қозоғистонда 2024 йилга келиб давлат хизматчилари ва миллий компания ишчилари сонини 25 фоизга қисқартирилади. Бу ҳақда президент Касим-Жомарт Токаев илк бор Қозоғистон халқига йўллаган мурожаатида маълум қилди.
“2020 йилдан бошлаб биз давлат хизматчилари сонини секин-аста қисқартиришга киришамиз, ортган маблағларни эса энг кўп фойда келтирадиган ишчиларни моддий рағбатлантиришга йўналтирамиз. 2024 йилга келиб давлат хизматчилари ва миллий компания ишчилари сонини 25 фоизга қисқартириш лозим”, - дея Токаев сўзларидан келтиради Sputnik Қозоғистон.
Эслатиб ўтамиз, аввалроқ Дарига Назарбаева Қозоғистон сенатининг раиси этиб қайта сайлангани хабар қилинган эди.