ТОШКЕНТ, 1 сен – Sputnik. 31 август куни Германияда аёллар ўртасида бўлиб ўтган аёллар миллий терма жамоаси аъзоси Ольга Забелинская 1-ўринни эгаллаб, олтин медални қўлга киритди, деб хабар бермоқда Жисмоний тарбия ва спорт вазирлиги ахборот хизмати.
“Europakriterium der Bahnfahrer” номли халқаро мусобақада 2-ўрин - германиялик Гудрун Стоскга, 3-ўрин - россиялик Тамара Дроновага насиб этган.
Велоспортчимизнинг ушбу ютуғи Ўзбекистон Мустақиллигининг 28 йиллик байрамига муносиб совға бўлди, дейилган хабарда.
Эслатиб ўтамиз, Ольга Забелинская - россиялик энг машҳур велопойгачи аёллардан бири. Лондон ва Рио-де-Жанейро Олимпиадаларининг бронза ва кумуш медаллари соҳиби. 2018 йилдан буён Ўзбекистон байроғи остида халқаро мусобақаларда иштирок этиб келмоқда.