ТОШКЕНТ, 28 авг – Sputnik. Самарқанд вилоятининг Булунғур туманида маст фуқаро қариндошини пичоқ билан жароҳатлади.
ИИВ хабарига кўра, фуқаро маст ҳолда уйи ҳовлисида шу маҳаллада яшовчи 24 ёшли жияни С.Т. билан ўзаро жанжаллашаётган вақтда уларни ажратмоқчи бўлган С.Т.нинг отаси 47 ёшли Б.Б.ни пичоқ билан жароҳатлаган.
Натижада Б.Б. касалхонага ётқизилган. Мазкур ҳолат юзасидан жиноят иши қўзғатилиб, Ш.Б. ушланган.
Тергов ҳаракатлари олиб борилмоқда.