ТОШКЕНТ, 22 авг – Sputnik. Туркиянинг Чанаккала провинциясида балиқчилар қармоғига беш метрли акула илинди. Бу ҳақда РИА Новости хабар қилди.
Таъкидланишича, денгиз ҳайвонининг оғирлиги сал кам бир тоннани ташкил қилди.
Эгей денгизида тутилган бундай баҳайбат акула балиқчиларни лол қолдирди. Кўпчилик акула билан суратга тушиб, тармоққа жойлаштиришди.
Бир неча турдаги акулалар Ўрта ер ва Эгей денгизларида яшайди, уларнинг аксарияти одамлар учун хавф туғдирмайди.