ТОШКЕНТ, 4 авг - Sputnik. Италия бош вазири ўринбосари ва ички ишлар вазири Маттео Сальвини Россия етакчиси Владимир Путинни буюк президент деб атади. Бу ҳақда ANSA хабар қилмоқда.
Унинг сўзларига кўра, у Рим ва Москва ўртасидаги муносабатларни яхшилаш устида иш олиб бормоқчи.
“Путин – буюк президент. Мен буни шундай ўйлаганим учун айтяпман, айрим газеталар таъкидлагандек менга пул тўлаганлари учун эмас”, - дея қайд этди Маттео Сальвини.
Шунингдек, Сальвини АҚШ президенти Дональд Трамп, Бразилия президенти Жаир Болсонару ва Венгрия бош вазири Виктор Орбан фаолиятини юқори баҳолаган.