ТОШКЕНТ, 2 авг – Sputnik. Олий таълим муассасаларининг бакалавриатига ўқишга кириш учун ўтказилган тест синовларининг тўртинчи куни натижалари эълон қилинди.
Бакалавриат таълим йўналишлари бўйича 1 август куни топширилган тест синовларидаги энг юқори баллар:
а) кундузги таълим шакли бўйича:
Тошкент ахборот технологиялари университетининг 5330600 – Дастурий инжиниринг таълим йўналиши – 180,6 балл;
б) сиртқи таълим шакли бўйича:
Ўзбекистон миллий университетининг 5230100 – Иқтисодиёт (тармоқлар ва соҳалар бўйича) таълим йўналиши – 161,4 балл;
в) кечки таълим шакли бўйича:
Тошкент давлат педагогика университетининг 5111700 – Бошланғия таълим ва спорт-тарбиявий иш таълим йўналиши – 135,3 балл.
Кеча ва аввалги куни тест топширганлар ўз балларини cabinet.dtm.uz сайти орқали шахсий кабинетларига кириб текшириб олишлари мумкин. Бунинг учун паспорт серияси ёки ID кодни киритиш кифоя.