ТОШКЕНТ, 28 июл – Sputnik. Сентябр ойида Ўзбекистон, Тожикистон ва Қирғизистон қутқарувчилари Қирғизистоннинг Боткен вилоятида илк бор биргаликда ўқув-машғулотлари ўтказилиши режалаштирилмоқда, деб хабар қилди ФВВ матбуот хизмати.
“Ўтказилиши кутилаётган бу машғулотлардан кўзланган мақсад - ёнғин-қутқарувчиларнинг табиий техноген ва офатларни бартараф этишда ўзаро ҳамкорликни йўлга қўйиш ва мустаҳкалашдан иборат”, - дейилган хабарда.
Айни дамда ушбу уч давлат мутахассислари ҳамкорликдаги ўқув-машғулотларининг ўтказилиш тартибини келишиб олишмоқда.
Эслатиб ўтамиз, 2019 йилнинг 11 июн кунида Тошкент ҳарбий округида Ўзбекистонк Қуролли кучлар, Миллий гвардия, Чегара қўшинлари, маҳаллий ИИБ ва ФВВ бўлимларининг қўшма ўқув-машуғлотлари бўлиб ўтган эди.