ТОШКЕНТ, 28 июл – Sputnik. Бугун Россияда ҳарбий денгиз флоти куни нишонланмоқда. Ушбу муносабат билан Россиянинг “Шимолий пойтахти”да ҳарбий денгиз флотининг тантанали паради бўлиб ўтди, RT хабарига асосан.
Парадда Россия президенти Владимир Путин нутқ сўзлаб, ҳарбий хизматчиларни табриклади. Президент ўз нутқида Россия ўзининг такрорланмас таркибдаги денгиз флотини қуриши ва ушбу флот дунёнинг исталган нуқтасида мамлакат манфаатларини ҳимоя қилишга қурби етишига ишонч билдирди.
Шундан сўнг 4000 нафар денгизчилар бош қўмондон олдидан тантанали саф тортиб ўтишди. Ҳарбий параднинг сувда бўлиб ўтган қисмида 40 та ҳарбий кема ва 41та ҳарбий ҳаво кемаси иштирок этди.