ТОШКЕНТ, 26 июл — Sputnik. Вьетнам Социалистик Республикаси ҳарбий делегацияси Халқаро армия ўйинларида иштирок этиш учун “Фориш” полигонига етиб келди. Бу ҳақда Мудофаа вазирлиги хабар қилмоқда.
Халқаро армия ўйинларини ўтказишга мўлжалланган Ўзбекистоннинг “Фориш” тоғ-дала полигони жорий йилнинг август ойида V “Халқаро армия ўйинлари – 2019” доирасида “Ҳарбий-тиббий эстафета” танловига биринчи марта мезбонлик қилади.
Меҳмонларни Мудофаа вазирлиги масъул офицерлари, ўқувчи ёшлар карнай-сурнай садолари остида ўзбекона удумлар билан тантанали равишда кутиб олди.
4 август куни старт оладиган “Ҳарбий-тиббий эстафета” танловида Арманистон, Ангола, Озарбайжон, Беларусь, Россия, Зимбабве, Қозоғистон, Мьянма, Тожикистон ва Венесуэла (кузатувчи мақомида) каби давлатлар ғолиблик учун ўзаро курашади