ТОШКЕНТ, 27 июн — Sputnik. Бурятияда “Ангара” компаниясининг Ан-24 йўловчи самолёти қулаб тушди. Бу ҳақда РИА Новости хабар қилмоқда.
Самолёт Нижнеангарскда фавқулодда қўнаётган вақтда учиш-қўниш йўлагидан чиқиб кетган ва тозалаш қурилмалари биносига келиб урилиб, ёниб кетган. Ёнғин оқибатида икки учувчи ҳалок бўлган. Барча йўловчилар зудлик билан эвакуация қилинган.
Жабрланган 19 нафар йўловчи касалхонага ётқизилган. Самолёт бортида жами 49 киши, жумладан, бир бола бўлганлиги айтилмоқда.
Ҳозирда ёнғин бартараф этилган.
Йўловчилардан бири қўниш чоғида видео олиб, ижтимоий тармоққа жойлаштирган.