ТОШКЕНТ, 19 июн – Sputnik. Термизда 5-6 метрлик чуқурга тушиб кетган сигир қутқарилди.
ФВВ хабарига кўра, 17 июнь Сурхондарё вилояти Фавқулодда вазиятлар бошқармасининг тезкор навбатчилик гуруҳига Термиз туманида истиқомат қилувчи фуқаро сигири ҳовлисида қазилган 5-6 метрлик чуқурга тушиб кетганлиги ҳамда уни олиб чиқишда амалий ёрдам беришни сўраб мурожаат қилган.
Маълум қилинишича, бошқарма қутқарув отряди воқеа жойига зудлик билан етиб борган. Қутқарувчиларнинг олиб борган тезкор ҳаракатлари натижасида, махсус қутқарув асбоб-анжомлари ёрдамида сигир талофатларсиз чуқурдан чиқариб олинган.