ТОШКЕНТ, 30 май — Sputnik. Тошкентда вафот этган аёлнинг уйини сотиб юборган уч фирибгар қўлга олинди.
Ўзбекистон ИИВ Жамоатчилик ва ОАВ билан алоқалар бошқармаси берган хабарга кўра, 2018 йил октябрь ойида Сергели ва Чилонзор туманларида истиқомат қилган уч фуқаро марҳума 72 ёшли аёлни 2015 йилда вафот этганлигини била туриб, унинг номидаги хонадон ҳужжатларини қалбакилаштиришган.
Сўнгра ушбу хонадонни бошқа фуқарога 22 500 долларга фирибгарлик йўли билан сотиб, пулларни ўз эҳтиёжлари йўлида ишлатиб юборган.
Ҳозирда ҳолат юзасидан жиноят иши қўзғатилиб, ҳар уччала фирибгар қўлга олинган.
Тергов ҳаракатлари олиб борилмоқда.