ТОШКЕНТ, 6 май - Sputnik. Ўзбекистон ТИВ Москвадаги “Шереметево” аэропортига самолётнинг фавқулодда қўниши юзасидан баёнот берди.
ТИВ хабарига кўра, 2019-йилнинг 6-май куни эрталаб ҳолатига кўра 5-майда Москвадаги “Шереметево” аэропортига самолётнинг фавқулодда қўниши натижасида қурбон бўлганлар ва жароҳатланганлар орасида Ўзбекистон фуқаролари йўқ.
“Бу маълумотни тергов олиб бораётган ҳуқуқни муҳофаза қилиш органлари мамлакатимизнинг Россиядаги Элчихонаси Консуллик бўлимига тасдиқлади”, - дейилади хабарда.
Эслатиб ўтамиз, бироз аввал Ўзбекистон президенти Шавкат Мирзиёев Москва шаҳрининг "Шереметьево" аэропортида самолётнинг фавқулодда қўниши оқибатида инсонлар ҳалок бўлгани муносабати билан Россия Федерацияси президенти Владимир Путинга ҳамдардлик мактуби йўллагани ҳақида хабар берган эдик