ТОШКЕНТ, 22 апр - Sputnik. Ўтган дам олиш кунлари Тошкентда кучли довул бўлиб ўтди. Ёмғир ёғиб кўчаларни сув босди, дарахтлар қулаб машиналарни босиб қолди.
Тошкентда оқава сувлар тизимида кузатилётган муаммолар туфайли, ҳар сафар ёмғир ёққанда, баъзи кўчаларни сув босиб қолмоқда. Ижтимоий тармоқларда ушбу воқеалар акс этган сурат ва видеолар тарқалмоқда.
Эслатиб ўтамиз, ўтган ҳафтада Ўзбекистоннинг бир неча вилоятларида ёмғирли об-ҳаво кузатилди. Кучли ёмғир оқибатида Бухорода йўлларни сув босди, Самарқандда кучли сел келди.