ТОШКЕНТ, 12 апр - Sputnik. Фарғона вилоятида ўз уйида марихуана гиёҳвандлик моддасини яширган фуқаро қўлга олинди.
Ўзбекистон ИИВ Жамоатчилик ва ОАВ билан алоқалар бошқармасининг хабар қилишича, Фарғона вилоятининг Қўштепа туманида вилоят ҳуқуқни муҳофаза қилувчи органлари ходимлари ҳамкорлигида ўтказилган тезкор тадбир ўтказилади.
Тадбир давомида Баланд масжид маҳалласи Бўстон кўчасида яшовчи фуқаронинг яшаш уйида 1 кг. 369 гр. марихуана гиёҳвандлик моддаси борлиги аниқланиб, далилий ашё сифатида олинган.
Ҳолат юзасидан жиноят иши қўзғатилиб, жиноятчи қўлга олинди.
Ҳозирда тергов ҳаракатлари олиб борилмоқда.