ТОШКЕНТ, 18 мар – Sputnik. АҚШнинг Жанубий Дакота штатида кучли қор ёғди. Бу кучли қор бўрони маҳаллий аҳолининг моллар подасини қор уюмлари остида қолдирди.
Ижтимоий тармоқда ҳодиса гувоҳларидан бири жойлаштирган видео пайдо бўлди. Кадрларда фермер 2,5 метр қор уюмлари остида қолиб кетган ҳайвонларни қазиб чиқаришга уринаётган ҳолати акс эттирилган.
Жанубий Дакотада бу каби ҳолатлар мунтазам кузатилади. Масалан, бир неча йил илгари кучли қор бўрони 100 минг бош молнинг ўлимига сабаб бўлган эди.