ТОШКЕНТ, 7 мар – Sputnik. Туризм соҳаси улуши 2018 йилда дунё ЯИМининг 10,4 %ини ташкил қилди, ушбу соҳада ўсиш сурати ахборот технологиялари соҳасига қараганда 2 баравар юқори натижа кўрсатди, деб хабар қилмоқда Россия туроператорлар ассоциацияси.
Жаҳон туризм қўмитаси йиллик ҳисоботига кўра, 2018 йилда туризм бозорининг умумий қиймати 8,8 триллион долларни ташкил қилди, соҳада сўнгги 8 йилда тўхтовсиз ўсиш кузатилмоқда.
Хусусан, 2018 йилда ишлаб чиқариш соҳасида +4%, туризм соҳасида + 3,9 %, соғлиқни сақлаш соҳасида + 3,1 %, ахборот технологияларида + 1,7 %, молия хизматларида + 1,7 % ўсиш кузатилган.
Туризм соҳасининг умумий даромадидан 71,2 % - бу ички сайёҳлар улуши, қолгани эса – хорижий сайёҳлардан олинган даромадлардир. Соҳада ўтган йил бутун дунё бўйича 318 миллион киши ишлаган (ҳар 10 иш ўрнидан бири) ва сўнгги 20 йилда туризм соҳасида 20 % янги иш ўринлари яратилган.
Ҳисоботда айтилишига кўра, туризм соҳаси келгуси 10 йил давомида ривожланиш давом этади ва келажакда қўшимча 100 миллион янги иш ўринлари яратилади.