ТОШКЕНТ, 13 фев – Sputnik. Тошкент ҳокимияти “Лолазор” маҳалласидаги турар-жой қурилиши ҳақидаги хабарларга расман изоҳ берди.
Хокимият, ижтимоий тармоқларда пайдо бўлган Миробод тумани “Лолазор” маҳалласида 3 қаватли уйлар бузилиши ҳақидаги хабарларни инкор қилди. Ҳокимият бундай қарор қабул қилмаган.
“Ҳокимлиги ҳузурида ўтказилаётган “Инвестор куни” тадбири доирасида тадбиркорлар томонидан мазкур ҳудуднинг ички қисмида жойлашган 2 қаватли, тарихий аҳамиятга эга бўлмаган 27/3, 27/3а, 27/3б, 27/3в, 27/4-сонли уйларни бузиш ва ўрнига янги турар-жой комплекси қуриш таклифи билдирилган.
Кўп қаватли турар-жойларни бузиш бўйича қарор қилиш ушбу уйларда яшовчи ахолининг тўлиқ розилиги олинганидан сўнггина амалга оширилади ва ушбу масалада фуқароларимиз қонуний ҳуқуқлари тўлиқ кафолатланади” , - дейилган ҳокмият хабарида.