ТОШКЕНТ, 30 янв – Sputnik. Карачаево-Черкесиядан сенатор Рауф Арашуков парламентнинг юқори палатаси йиғилиши ўзида қўлга олинди. Буни Россия Тергов қўмитасида тасдиқлашди.
“Совет Федерацияси томонидан сенатор Арашуковнинг дахлсизлиги бекор қилингандан сўнг Тергов қўмита ва Федерал хавфсизлик хизмати ҳамкорликда очилган жиноят иши бўйича қўлга олинди”, - деб маълум қилди Тергов қўмитаси.
РИА Новости хабарига кўра, Арашуковга иккита шахсни ўлдириш, учинчи шахс соғлиғига оғир зиён етказиш, шунингдек 2010 йилда уюшган жиноий гуруҳни ташкил қилиш бўйича айблар қўйилган.
Арашуков парламентнинг юқори палатаси йиғилиши ўзида қўлга олинди. Матбуот учун трансляция йиғилишдан 5 дақиқа олдин узилди.
Россия парламентининг юқори палатаси аъзолари Карачаево-Черкесиядан сенатор Рауф Арашуковнинг дахсизлигини бекор қилиш бир овоздан қўллаб-қувватланди.