ТОШКЕНТ, 28 янв - Sputnik. Тошкент вилояти Экология ва атроф-муҳитни муҳофаза қилиш бошқармаси Паркент туман инспекцияси қарийб 200 та дарахт ноқонуний равишда кесиб ташланганини аниқлади. Бу ҳақда Экология қўмитаси матбуот хизмати хабар берди.
Инспекторлар Паркент туманидаги «Қўшчинор» истироҳат боғи ҳудудида 280 туп айлант, қайрағоч, арча ва акация дарахти тагидан кесиб ташланганини аниқлади. Дарахтлар ўсган ерда спорт мажмуаси қурилиши режалаштирилган.
Ташкилотчиларнинг Паркент тумани ҳокимиятининг дарахтларни таг қисмидан кесишга ижозатномаси бўлган. Бироқ унда 82 туп: 35 туп айлант, 15 туп қайроғоч, 10 туп терак, 10 туп акация ва 12 туп арча кўрсатилган.
Шундай қилиб, 198 та дарахт ноқонуний равишда кесиб ташланган. Етказилган зарар миқдори 229,9 млн сўмни ташкил этади.
Ўзбекистонда дарахтларни кесиш бўйича меъёрий ҳужжат ишлаб чиқилмоқда
Аниқланган қонунбузарлик бўйича ҳужжатлар прокуратурага тақдим этилди.