ТОШКЕНТ, 28 янв – Sputnik. Жаҳон футболи юлдузи Роберто Карлос Тошкентга етиб келди. У учган самолёт соат 09:30да Ислом Каримов номидаги Тошкент халқаро аэропортига қўнган.
Ташриф режасига кўра, соат 12:00да ёш футболчилар учун ЎФА майдонида мастер-класс ташкил этилади. Кейин шу ернинг ўзида фахрий футболчилар иштирокида ўртоқлик ўйини бўлиб ўтади.
Тошкентда жаҳон футболи юлдузи Роберто Карлос тантанали кутиб олинди
Учрашув 10 дақиқадан 2та тайм давом этади. Роберто Карлос ҳар иккала жамоа таркибида битта таймдан майдонда тўп суради.
Тошкентда жаҳон футболи юлдузи Роберто Карлос тантанали кутиб олинди
© Sputnik / Рамиз Бахтияров
Соат 15:00да Роберто Карлос А.П.Хлебушкина номидаги Меҳрибонлик уйига ташриф буюриб, у ердаги тарбияланувчилар билан учрашади ва уларга совғалар тақдим қилади.
Тошкентда жаҳон футболи юлдузи Роберто Карлос тантанали кутиб олинди
© Sputnik / Рамиз Бахтияров
Соат 16:00да эса Миллий олимпия қўмитасида Роберто Карлос билан матбуот анжумани ташкил этилади.