ТОШКЕНТ, 28 дек — Sputnik. Ўзбекистонда Миллий телерадиокомпанияси таркибида “Ўзбекистон тарихи” каналини ташкил қилинади. Бу ҳақда президент Шавкат Мирзиёев Олий Мажлисга мурожаатномасида маълум қилди.
Мирзиёев Ўзбекистон келажагига йўналтирилган улкан вазифаларни амалга оширишда куч-қудрат манбаи бўладиган миллий ғояни ривожлантириш масаласига эътибор қаратди. Мамлакатнинг қадимий ва бой тарихини ўрганиш, бу борада илмий-тадқиқот ишларини кучайтириш зарурлигини таъкидлади.
"Буюк аллома ва адибларимиз, азиз-авлиёларимизнинг бебаҳо мероси, енгилмас саркарда ва арбобларимизнинг жасоратини ёшлар онгига сингдириш, уларда миллий ғурур ва ифтихор туйғуларини кучайтиришга алоҳида эътибор қаратишимиз керак", - деди президент.
Шу мақсадда, Ўзбекистон Миллий телерадиокомпанияси таркибида “Ўзбекистон тарихи” каналини ташкил этилади.