ТОШКЕНТ, 16 дек – Sputnik. Ўзбекистон президенти Шавкат Мирзиёев Нурсултон Назарбоевни Қозоғистон мустақиллиги куни билан табриклади, деб хабар қилмоқда президент матбуот хизмати.
“Ўзбекистон Республикаси Президенти Шавкат Мирзиёев 16 декабрь - Қозоғистон Республикаси Мустақиллиги куни билан Президент Нурсултон Назарбоевни табриклади”, - дейилган расмий хабарда.
Қозоғистоннинг энг катта байрами – Мустақиллик куни 1991 йил 16 декабрдан бошлаб байрам қилина бошланган. Собиқ Иттифоқ республикалари орасида Қозоғистон ўз мустақиллигини энг кеч эълон қилган республикадир.