ТОШКЕНТ, 10 дек - Sputnik. Ижтимоий тармоқларда 20 ёшли йигит Нукус шаҳрининг марказий майдонларидан бирида жойлашган "I love Nukus" ("Мен Нукусни севаман") ёзувидаги юракни тепиб синдираётгани акс этган сурат тарқалди. Бу ҳақда “Халқ сўзи” нашри хабар қилди.
ИИВ ходимлари безорини қўлга олишди. Йигит қилмишидан пушаймон бўлган, ёзувдаги юракни тепиб синдиришдан мақсади эса қизиқарли сурат олиб, ижтимоий тармоқларда "лайк" тўплашдан иборат бўлганини айтган.
Айни дамда безорининг иши судга оширилган.