ТОШКЕНТ, 19 окт – Sputnik. Владимир Путин билан бўлиб ўтган учрашувда Шавкат Мирзиёев рус маданиятининг ўзбек жамияти маънавиятида тутган ўрнига юқори баҳо берди, деб хабар қилмоқда Sputnik мухбири.
“Буюк рус маданияти ўзбек жамияти маънавиятининг ажралмас бўлаги бўлиб қолади. Ўзбек ёшларини рус адабиёти билан яқиндан таништириш мақсадида, биз Ўзбекистонда 100 томлик “Рус адабиёти дурдоналари” жамланмасини чоп этишни режалаштирганмиз”, - деди Ўзбекистон президенти.
Ундан ташқари Шавкат Мирзиёев яқин орада ўзбекистонлик космонавт Россия космик кемасида коинотга учиши эҳтимолдан холи эмаслигини ва Тошкентда 2020 йилда “Ғалаба” мажмуасти ташкил қилинишини айтиб ўтди.