ТОШКЕНТ, 16 окт – Sputnik. Россиялик аралаш яккакураш бўйича UFC чемпинони Ҳабиб Нурмагомедов ирландиялик Конор Макгрегор билан 15 миллион доллар эвазига реванш жанг ўтказишни рад этди.
Бу ҳақда "Спорт-Экспресс" нашрига берилган интервьюда россиялик спортчининг тоғаси Алекс Нурмагомедов маълум қилди.
Нурмагомедов ва Макгрегор ўртасида реванш жанг ўтказилиши мумкинлиги ҳақидаги саволга Ҳабибнинг тоғаси шундай жавоб берди:
“У Ҳабибга қизиқ эмас. У Конор билан ҳеч қандай пул эвазига жанг қилмайди. Ҳа мен билан улар унга реванш таклиф қилишмоқда. У рози бўлса бошидан унга 15 миллион таклиф қилишди. Бироқ Ҳабиб “йўқ” деди. Конор навбатга турсин, бошқалар билан жанг қилсин. Ҳабиб эса Фергюсон билан жанг қилишни истайди. Кейин ўз карьерасини тугатмоқчи”, - деб таъкидлади Алекс Нурмагомедов.
Эслатиб ўтамиз, Нурмагомедов 6 октябрь куни Лас Вегасда Макгрегов устидан ғалаба қозониб, енгил вазнда UFC унвонини ҳимоя қилди.