ТОШКЕНТ, 15 окт – Sputnik. Туркия кўчаларида Ҳабиб Нурмагомедов тасвирланган граффити – кўча сурати пайдо бўлди.
Унда Ҳабиб Макгрегорнинг бўйинидан бўғиб турган ҳолатда, “Кўп гапирма!!!” деган сўзлар билан тасвирланган.
Ҳабиб Нурмагомедовнинг ўзи ушбу суратга “Қаердадир Туркияда” ва “Қўллаб-қувватлаганингиз учун раҳмат” деган сўзлар билан изоҳ берган.
9 соат ичида ушбу постга 1,8 млн “лайк” босилган ва 33 мингдан ортиқ изоҳ қолдирилган.
Эслатиб ўтамиз, 6 октябрь куни Лас-Вегасда россиялик аралаш яккакурашчи Ҳабиб Нурмагомедов ирландиялик Коннор Макгрегор устидан ғалаба қозонган эди. Шунидан сўнг уни Владимир Путин ҳамда Рамзан Қодировлар табриклаган эди.